மறவன்புலவு க. சச்சிதானந்தன்: February 2016

Monday, February 29, 2016

29 வயதில் ஐநா ஆலோசகராக

மாசி 17, 2047 (29.02.2016) திங்கள்
பழை படங்கள் என் தேடலில் மீண்டன.
செய்தியுடன் பகிர்கிறேன்.

அப்பொழுது எனக்கு 29 வயது.

1971 சித்திரைப் புத்தாண்டுக்குப் பின் நீண்ட பயணத்தை மேற்கொண்டேன்.
ஐநா ஆலோசகராய்ப் பயணித்தேன்.
பசிபிக் தீவுகளில் கடலட்டை வளம் என் ஆய்வுப் பணி.
ஆவணியில் கொழும்பு திரும்பினேன்.

கொழும்பிலிருந்து புறப்பட்டேன்.
1. பாங்கொக்கு, 2. சிங்கப்பூர், 3. ஒங்கொங்கு, 4. மணிலா, 5. பிரிசுப்பேன், 6. மோர்சித் துறை, 7. வேவக்கு, 9. மடாங்கு, 10. இலே, 11. பொப்பன்தெற்றா, 12. அலற்றாவு, 13. பிரிசுப்பேன், 14. மணிலா, 15. குவாம், 16. திரக்கு, 17. பொனப்பே, 18. மார்சல் தீவு. 19. அவாய், 20. சமோவா, 21. நந்தி, 22. இலவுரோக்கா, 23. நூமியா, 24. ஒனியாரா, 25. புது எர்பிடிசு, 26. சிட்னி, 27. தென்பாசார், 28. சொக்சகார்த்தா, 29. சகார்த்தா, 30. சிங்கப்பூர், 31. சென்னை, கொழும்பு என நான்கு மாதங்களில் 31 நகரங்களுக்குப் பயணித்தேன். அனைத்தும் வானூர்திப் பயணங்கள்.

1. தாய்லாந்து, 2. சிங்கப்பூர், 3. பிரித்தானியா (ஒங்கொங்கு + புது எர்பிடிசு), 4. பிலிப்பைன்சு, 5. ஆத்திரேலியா (ஆத்திரேலியா + பாபுவா நியுகினி) 6. அமெரிக்க மாநிலங்கள் (குவாம் + அவாய்), 7. திரக்குத் தீவு (ஐநா ஆட்சி), 8. பொனப்பேத் தீவு (ஐநா ஆட்சி), 9. மார்சல் தீவு (ஐநா ஐட்சி), 10. சமோவாத்தீவு, 11. பிசித் தீவு 12. பிரான்சு (புது கலிடோனியா + புது எர்பிடிசு) 13. இந்தோனீசியா, 14. இந்தியா என அந்த நான்கு மாதங்களுள் 14 நாடுகளுக்கூடாகப் பயணித்தேன்.

படங்கள்

1. மோர்சித் துறையில் கைப்பணியாளருடன்

2. திரக்குத் தீவில் கல்லே காசாக வங்கியாக

3. திரக்குத் தீவில் தொடங்கி அனைத்துத் தீவுகளுக்குமாய் நான் இணக்கி, என் ஊர்ப் பெயரைச் சேர்த்த உலரி, பெயர் யாழ்ப்பாண உலரி. இன்றுவரை அங்கு பயனில் உள்ளது.

4. தென்பாசார் (பாலித் தீவில்) இந்துக் கோயிலில்

5. சொக்சகார்த்தாவில் பெரும்பாணன் கோயிலில்

Wednesday, February 24, 2016

யார் எழுதிய குறிப்பு? இறுதி இதுவே...

Author Unknown 08-06-2014
Someday it will all come to an end. There will be no more sunrises, no days, no hours or minutes. All the things you collected, whether treasured or forgotten, will pass to someone else.

Your health, wealth, beauty, fame and temporal power will be rendered useless. It will not matter what you owned, or what you were owed.

Your grudges, resentments, frustrations, and jealousies will finally isappear. So too, your hopes, ambitions, plans, and to-do list will all expire. The wins and losses that once seemed so important will fade away. Proving you were "right" will be insignificant.

It won't matter where you came from, or on what side of the tracks you lived. It won't matter whether you are beautiful or brilliant. Your gender, skin colour, ethnicity...that will be irrelevant.

So what will matter? How will the value of your days be measured?

What will matter is not what you brought, but what you built; not what you got, but what you gave. What will matter is not your success, but your significance. What will matter is not what you learned, but what you taught. What will matter is every act of integrity, compassion, courage, and sacrifice that enriched, empowered or encouraged others to emulate your example.

What will matter is not your competence, but your character. What will matter is not how many people you know, but how many people will feel a lasting loss when you're gone. What will matter is not your memories, but the memories of those who loved you. What will matter is how long you will be remembered, by whom and for what.

Living a life that matters doesn't happen by accident, but out of choice. You can live a life that matters. You can choose with love.

செங்காளனில் எங்காள்கள்

12-10-2013
மறவன்புலவு
திருமதி கண்ணாவின் அண்ணர் நாம்.
திரு பரமானந்தத்தின் மக்கள் நாம்.
கணேசுவரன் நான், இவள் என் மகள்,
இவர் என் தம்பி, இவர் கிருபாகரன்.

சுவிற்சர்லாந்து நாடு.
செங்காளன் மாநிலம்.
சென்மாகிரத்தன் ஊர்.
அருள்மிகு கதிர்வேலாயுதசுவாமி கோயில்.

கோயிலில் என் உரை.
உரையாற்ற முன் கோயிலார் பாராட்டு.

அதன்பின் ஆளுயர மாலை.
அழகான பூத்தொடுப்பு.
பொன்னின் இழைப் போர்வை.

என்மீது இவை சார்த்தி,
எனக்கு இவை போர்த்தி
மதிழ்ந்தவர்கள், மறவன்புலவின்
கணேசுவரன், தம்பியார் மற்றும் கிருபாகரன்,
நிகழ்ச்சியைப் படமாக்கியவர் அவர் திருமகள்.

எங்காள்கள் வருவார்கள்
எனையேத்திப் புகழ்வார்கள் என்றுநானோ
செங்காளன் வந்தேன்
செவ்வேளின் திருமுகப்பில் கணேசுவரனார்
தங்கமகளார் தம்பியார்
கிருபாகரனார் வந்ததுமே திகைத்தேன்
பொங்குபுகழ் மறவன்புலவு
ஈந்தபெரு மக்களெனை வாழ்த்தினரே.

71 வயதில் காரைக்குடியில் பாராட்டு

At Karaikudi Kamban Kazhakam 21st March 2013.

The event started at 1700 hrs when we started assembling at the hall.
Few meters away, at the Temle of Mother Tamil the ceremony was to begin at 1715 hrs.
A galaxy of Tamil scholars lined up in front of sanctum sanctorum of the temple with the 12 ft. statue of Mother Tamil centered in.

At 1715 the othuvaar began singing Ulagam Yaavaiyum... an invocation song by poet Kamban.
It was followed by panchapuraanam.

Six scholars were garlanded by the organizers.
Then, it was the turn for the othuvaar. He garlanded me first. Then he took a light green silk shawl and wound it around my head. It was pari vaddam, the head gear to honour the special guest. Usually this is the format to indicate the most important person in a temple ceremony.

With me in the centre, Swami on my right and Kambam Adisoodi Pazha Pazhaniappan on my left, the procession began from the temple to the stage. A decorated banner in silk preceded us. There was naathaswaram and thavil. Little girls lined up with flower baskets to shower flowers at us as the procession slowly moved.

We went to the stage. A seat was marked for me along with the Swami at the centre of the stage. Many other scholars sat on both sides.

The hall was packed. The chairs were neatly arranged. Men women and children sat, disciplined. It was like a convocation hall.

Ceremony began with prayers. We stood up.
Then there was a music programme lasting 15 minutes by the students from Naratha Ghana Sabha, Chennai, singing in five panns.

I took off the pari vaddam and the garland.

A series of speakers one after the other offered felicitations to me. They used choicest Tamil words to praise the work I have done to promote thirumurai.

Three books, one on Kamban, one on Silambu and another on Kamban Adipodi Saa. Ganesan were released.

Then came the occasion when I was called to be felicitated. I was standing. Swamiji came to me. Others stood up and lined the stage.

There was a jarikai bordered silk shawl. It was neatly placed on my shoulders.
Then there was a head gear or thalaippakai (in jarikai and silk, with pearl like beads decorating with a flowing tail piece) placed ceremoniously on my head while flowers were showering, released mechanically from a top pan in the stage. The audience stood up for a prolonged ovation. I was then presented with a glass plaque, mounted on wood, written about my contribution to thirumurai

Swami spoke. He listed my services to Tamil, Science, Saivaisim and thirumurai.

I gave the acceptance speech.

Thereafter, Kambam Adisoodi Pazha Pazhaniappan proposed a vote of thanks, where amongst other things he mentioned, Pinjakan with whom he is familiar. Pinjakan visited Karaikudi for the Kamban Vizha once with Eswaran Maama.

We were at a dinner, where traditional vegetarian chettinad cuisine was served in large plantain leaves.

பெயரர்

02.03.2013

பெயரன் அரன்
கொண்டஇக் கோலமென்ன கோஃப் துறைமுகம்
கண்டஇக் காட்சியென்ன காளையே அரனே
நண்டுலா நெடுவயல் மறவன்புலவு வாராய்
வண்டெனப் பறந்து வானில் வட்டமிடலாமே.

பெயர்த்தி அபிநயா
கெண்டைக் கண்களாலே கேள்விக் கணைகளாலே
வெண்டை விரல்களாலே விரியும் வியப்பினாலே
கொண்டைக் குழல்களாலே குவியும் இதழ்களாலே
சண்டைக் குணமில்லாத சாந்தமாம் அபிநயாவே!!

28-04-2014
பெயரத்தி மைனா
இடந்தான் இருளேபகலாகி நடுங்கும் வடதுருவக் குளிரில்
நடந்தாள் மைனாவே நல்வாழ்வின் முதலடியாம் நடந்துவந்தால்
மடம்தான் மறவன்புலவில் இருக்கிறதே மைனாவுக்கு மணல்பரப்பாய்க்
கடந்தேழு கடல்கடந்து நெடுநடையாய் என்னிடம் வருகவருகவே.

மைனாவின் கவிதை அருமையிலும் அருமை ......

படிக்கும் போது என் மேனி சிலிர்த்த்தது.

உங்களைப் போன்ற அம்மப்பா கிடைத்தமைக்கு பெருமைப் பட வேண்டும்.

ஊர்மிளா 28-04-2014

பெயர்த்தி அபிநயா 06-11-2014

மயக்கும் மல்லிகை இதுவோ இதுவோ என்னை

இயக்கும் இனிமை இதுவோ இதுவோ நான்

வியக்கும் வியப்பு இதுவோ இதுவோ நன்மை

பயக்கும் பெயர்த்தி அபிநயாவோ அறியேன் அறியேன்

Not long ago if you count from the big bang

Very long ago if you count from when Kuyil sang

From a tiny mitochondrial formation in primordial twilight

To evolve through mutant duplications courtsey energised sunlight

Tirelessly carrying these VINAI or DNA few active many dumped in heaps

Fleshly from protozoa to humans living and dying in leaps

All VINAI I inherited to add more in this blessed bliss birth

Abinaya carries to pass this genetic bond shared by both

"......வினையின் வந்தது வினைக்கு விளைவாயது

மூபுவிளி உடையது தீப்பிணி இருக்கை

பற்றின் பற்றிடம் குற்றக் கொள்கலம்

புற்றிடம் அரவின் செற்றச் சேர்க்கை

அவலம் கவலை கையறு அலங்கல்

மக்கள் யாக்கை இதுவென உணர்ந்து...... "

(200CE யில் சாத்தனாரின் மணிமேகலை 4:113-120)

பெயர்த்தி அபிநயா 27.11.2014 நண்பகல்

அபிநயா வந்தார்.

அருள்மிகு வள்ளக்குளப் பிள்ளையார் திருக்கோயில்

திருப்பணிக்கு நன்கொடை தந்தார்.

என் தந்தையார் நினைவில் கலந்தார்.

என் தந்தையாரின் நினைவுகளை நான் மீட்க

ஆர்வத்துடன் கேட்டார்.

கண்களில் ஆர்வம் மீநிற்க,

காதுகளைக் கூர்மையாக்கிய

காட்சிகளைக் காண்கிறீர்கள்.

இடை இடை வினவி விளக்கம் கேட்டார்.

என் தந்தையார் தொடர்பான

என் உறவின் மேன்மையே மேன்மை என

இயல்பூக்கமாய் உவந்தேற்றினார்.

வியந்த பிஞ்ஞகன் படமாக்கினார்.

வாழி வாழி

பிரான்சு பிரான்சிசு 23.2.2013
தங்கமாய்த் தகதகப்பார் தாம்செயும் செயல்களிலே தடைகள் தாண்டி
எங்கெங்கு சென்றாலும் எப்பணியை எடுத்தாலும் ஏறுமுகமே என்தமிழன்
அங்கதனும் அவ்வாறே ஆற்றலேறாய் அவைதனில் முன்னின்றார் எனக்கேட்டு
பொங்குமகிழ் வெய்தினேன் பூரித்தேன் பிரான்சிசே துணையாரே வாழ்கவாழ்க.

அண்டவெளி ஆராய்ச்சி அதற்கான புதுமைநிலை அங்கதனின் பங்களிப்புக்
கொண்டதெனப் பிரஞ்சுநாடு பாராட்டக் கைதட்டி ஆர்ப்பரித்தேன் அகமகிழ்வைத்
தண்டமிழின் மகனொருவன் தந்தனனே அம்மகனை வாழ்த்திட இக்கவிப்பூச்
செண்டொன்று தந்தனனே என்னருமை பிரான்சிசே கொடுப்பீரே மகிழ்வேனே.

04.09.2018 கயல்விழி மைனா

தங்கத்தில் இழைத்த தாமரையோ

தமிழால் இழைத்த பூச்சரமோ

சிங்கத்தில் ஒளிரும் சிலிர்ப்போ

சீர்மையின் மலர்ச்சி முகமோ

வங்கத்தில் கடலாம் அழகோ

வாரிசு எனக்கு இவளோ

மங்காது மணக்கும் புகழோ

மைனா என்னும் நிலவோ 1

கொஞ்சம் சிரித்தால் குறைவோ

கோபம் கொழித்தல் முறையோ

நெஞ்சம் நிறைக்கும் நினைவோ

நெகிழ்ந்து நிறைக்கும் மகிழ்வோ

பஞ்சாய்ப் பறக்கும் புதிரோ

பார்வை நிறைக்கும் பொலிவோ

நஞ்சும் அமுதாம் நனவோ

நயந்து மயக்கும் மைனாவே 2

சோலையில் கூவும் குயிலோ

சொரியும் பூக்களின் மணமோ

காலையில் பள்ளிக்குச் செலவோ

கல்வியில் சிறக்கும் நினைவோ

பாலையின் பனிமலர்ப் பூக்களோ

பளிங்குப் பிம்பமோ மைனாவோ

மூலையுள் முடங்கா முகிலோ

மூங்கில் குழலின் குரலோ 3

அன்றிலின் இணைவு அறிவோ

ஆம்பல் இதழின் செறிவோ

குன்றினில் விரியும் ஒளியோ

கூத்தனின் அடிகளில் மலரோ

நன்றென நவில்வாய் நாவால்

நானிலம் நயக்கும் மைனாவே

தென்றலின் மெலிதாம் இதமோ

தெய்வமே தந்த பெயர்த்தியோ 4

வண்டலின் மணத்தை அறியாய்

வாடையின் குளிரைத் தெரியாய்

பண்டங்கள் பெட்டியில் அறியாய்

பணியாரச் சுவையைத் தெரியாய்

கொண்டலின் இதத்தை அறியாய்

கோலங்கள் வண்ணம் தெரியாய்

கொண்டனை உலோரலைக் குடியாய்

கொடுத்து வைத்தனை மைனாவே 5

கண்ணுக்குள் புதைந்த கனவா

கனவுக்குள் புதைந்த நனவா

மண்ணுக்குள் புதைந்த மரமா

மரத்துக்குள் புதைந்த விதையா

பண்ணுக்குள் புதைந்த பாடலா

பாடலுள் புதைந்த சந்தமா

எண்ணுக்குள் புதைந்த கணக்கா

கணக்கு விடுகின்ற மைனாவா 6

ஊற்றினில் குதிக்கும் புனலா

உள்ளத்துள் உதிக்கும் உறவா

காற்றினில் கலக்கும் இசையா

கருத்தினுள் இனிக்கும் இயலா

நாற்றினில் விரியும் நெல்லா

நயனத்தில் நவையறு காட்சியா

மாற்றுஇல் பொன்னே மைனா

மயக்கமே பயக்கும் மழலையா 7

ஈசுவரன் தாயார் சிதம்பரத்தம்மாள் 03.05.2018
நிழலாடும் நினைவுகள் நீங்காத நெஞ்சம் அன்று
தழலோடு சென்றநாள் தவிப்பாக நெஞ்சில் சிவனார்
கழலோடு சேர்ந்தநாள் கண்கள் குளமாகத் தாயேநீ
உளமோடு வாழ்த்த நான் வாழ்ந்து வளமுற்றேன்.

ஆளுநர் ரெசினால்டு கூரேக்கு வாழ்த்து 04.04.2018

Spring gale of North

To
Governor of Northern Province

From
Maravanpulavu K. Sachithananthan

(spontaneous translation of my Tamil Greetings by Dr. S. A. Sankaranarayanan, Professor of English, Sashtra University, Kumbakonam)

How concerned have you been to hear the hungry famished kids crying?
While you but take a meagre eat in a drone of flight in interims!

Amid vain worded demagogues that prate useless to no purpose,
You but have acted fruitfully to achieve amazing growth;

From off your tender heart of Mercy moist with compassion
You bent on wiping tears, beam radiant as Sun hailed by the learned greats;

O, Reginald Corey who else than you can be the Spring gale of North!
Can North be blest hale ever with a generous Governor like as yourself!

பசியினால் தவிக்கும் பச்சிளம்

பாலர் காண்பாய்

பறக்குமாம் கூரைக் கொட்டிலில்

உணவு உண்பாய்

விசிறியே சொற்கள் வீணே

வெட்டியாயப் பேசுவார்முன்

வினையினாய் விளைச்சலாய் வியத்தகு

வளர்ச்சி காண்பாய்

கசிவதுன் நெஞ்சில் கருணையால்

கண்ணீர் நீக்கும்

கருத்தினாய் கற்றோர் போற்றும்

கல்விக் கதிரவா

றெசினிலால்டு கூரே யாரே

வடக்கினின் வசந்தனாரே

கிடைக்குமோ ஆட்சி வள்ளல்

வடக்குக்கு உன்னைப்போலே.

மறவன்புலவு க. சச்சிதானந்தன்

04.04.2018

மதுரை கிருட்டிணனார் பெயரத்தி நடனம் 17.02.2018

கண்களுள் களிப்பா
கார்மேக அலையா
விரலிடைத் தவழ்தலா
காதுகளுள் தேனா
கதைகளின் வானா
சொற்களின் தேர்வா
மெல்லிதழ் பூவுள்
ஊறிடும் தேனா
அறுசுவைத் திரளா
திகட்டுமே நாவில்
மல்லிகை முல்லை
மலரவிழ் கொன்றை
மணமெலாம் மூக்கா
உடலெலாம் பஞ்சா
உளத்துடன மிதப்பா
சுவையின் நிறைவா
ஒளிப் பாய்ச்சலா
ஊறும் தோய்ச்சலா
ஓசை நயந்ததா

நாற்றம் புகுந்ததா
ஐம்பொறி தயங்கா
ஐம்புலன் மயங்கா
வானம் இறங்கி
நிலம் கலங்கி
மிச்சம் இல்லா
உச்சம் தொட்டதா
தடம்மாறிய கால்களா
குரல்மாறிய பண்களா
தடுமாறிய தாளங்களா
தலைகீழான அரங்கமா

அலையலை தட்டலா

படங்களைப் பார்த்தேன்
நேற்றைய நிகழ்ச்சி
மனமெங்கும் நெகிழ்ச்சி
மேலுள வரிகள்போல்
வேறில்லைப் புகழ்ச்சி
நாள்தொறும் பார்க்க
மனத்தினில் அழற்சி
நாளையும் உண்டா?

நர்த்தகி நடராசருக்குப் பாராட்டு 25.10.2017
சிலையாள் இவளோ? செம்மேனி இவளதோ?
அலையாள் கடலருகே ஆடல் அரசியாய்
தலையான கோலளாய்த் தத்திமி தத்திக்க

மலையாளம் கண்டதே மாண்பார் நரத்தகியை

சிட்னி முருகன் கோயில் சைவ மன்றம் 17.06.2012
வற்றிய குளமும் வறண்ட நிலமும்
வானமும் பொய்த்துச்
சுற்றிய இடங்களில் சுருண்ட பயிர்களும்
சூரியக் குளியலும்
முற்றிய பரசமயச் சூழலில் மாரியின்
மழையெனப் பொழிவார்
நெற்றியில் நீறுடன் சிட்னிப் பெருநகர்ச்
சேக்கிழார் விழாவார்.
அயலவர் அடிக்க ஆற்றார் ஆழ்கடல்
கடந்தார் ஆத்திரேலில்
மயலிலாச் சைவக் கொள்கை மடிக்குள்ளே
வைத்துக் காத்தார்
செயலிலே சைவப் பேரவை செழித்தெழும்
சேயோன் கோயில்
முயலினைக் கடந்த ஆமையாக முயற்சியால்
சேக்கிழார் விழாவார்.
தடங்களைப் பதித்ததான படங்களைத்
தந்தீர் கண்டேன்
விடங்கனை வியந்தோர் வரிசைப் படங்களை
விழாவில் போற்றி
முடங்குமோ சைவமென முழங்கிய மாணவர்
படங்கள் பார்த்தேனையா
இடங்களே மாறினாலும் இளந்தளிர் அரும்பின்
இயல்புகள் மாறாதையா.
இனித்தது இதயம் இன்பம் குவித்ததால்
உங்கள் செய்தி
பனித்தன கண்கள் புல்லரித்துப் படர்ந்தன
மேனி எங்கும்
அனைத்துமே மேன்மையாக அமைத்தவர்
வாழி வாழி
தினையினை விதைத்தீர் அஃதே பனையென

வளர்க வாழி.

கோப்பாய் சிவத்தாருக்கு 25.05.2012
நல்லன நல்லன நாடும்
வல்லவர் நாடுபுகழ் நாவலர்
சொல்வலர் சோர்விலர் சிவானந்தர்
என்ற கோப்பாய் சிவத்தார்
இல்லாள் விசயலட்சுமி இளவல்கள்
கீதப்பிரியன் கீதசிறீ இணுவிலில்
இல்லம் அமைத்துத் திருநகராக்கி
இறையருள் பெருக்குவர் வாழிவாழி.

அண்ணா கண்ணனாருக்கு 14.05.2017
எண்ணவே இனிக்கும் என்மனம் நிறையும்
உண்ணவே சுவைக்கும் உவப்பிலா அமுதமாம்
கண்ணனே அண்ணா கவிஞராய்த் தந்தபொற்

சுண்ணமே செம்மையே சௌந்தரமே வல்லியாரே

ஈசுவரன் நூல் வெளியீடு 16.03.2017
கட்டினாய் கோயில் அங்கே காகுத்தன்

துதனுக்கு, கண்கள் மகிழ

முட்டினாய் வானம் அங்கே முயற்சியின்

சிகரமானாய் மனக் கதவைத்

தட்டினாய் மாந்தர் அங்கே மகிழ்ந்தனர்

மலையகமே பொலிய மவுலித்தேரர்

கட்டினார் புத்தர் அங்கே உன்வழியில்

கொற்றமே தமிழே வாழிநீவாழி

நவரத்தினவேல் நிகழ்வு 24.02.2017
பழையன என்றும் புதியனவாய்,
கனவுகள் மீட்கும் நனவுகளாய்,
இதழ் விரிக்கும் நினைவுகளாய்,
மணம் பரப்பும் மலர்களாய்,
சிதறிய கண்ணாடிப் பொருத்தாக
இணைந்தனர் இவர்கள் வாழிவாழி

நவவித பத்தி நிகழ்வு 24.02.2017
உடலத்தின் மொழிகளே உயிரதன் துடிப்பேயாகிப் புராண
படலத்தின் பாக்களாகிப் பாக்களின் யாப்புமாகி பரதமாம்
நடனத்தின் திலகமாமோ நவவித பத்திகாண மயிலைத்
திடலத்தில் கூடுவீரே தொன்மத்தை நாடுவோரே

தினக்குரல் தனபாலசிங்கத்தாருக்கு 24.02.2017
உலகம் எங்கள் பின்னே என்ற நம்பிக்கை சிதறுமோ?
விலகும் நாடுகள் பட்டியல் தொடக்கமோ? தமிழர் தளர்வரோ
கலகம் ஊட்டிய காலங்கள் மீளுமோ, காற்று மாறுமோ?
நிலமும் நீரும் வானும் காற்றும் தமிழரைத் தாங்குமே

பச்சை அரங்க நக்கீரனாருக்கு 24.02.2017
அச்சமே கொள்ளீர் ஐயா,
அருந்தமிழ் காப்பீர் ஐயா
நச்சினீர் கணிணித் தமிழை
நயமுற வளர்த்தீர் ஐயா
தச்சராய்ச் செதுக்கித் தந்தீர்
தமிழரின் உலகக் கல்வி
பச்சரே நிறைந்து வாழ்வீர்

நோய்களோ நணுகா நும்மை.

இரவி தமிழ்வாணனுக்கு வாழ்த்து 29.01.2017
முந்தையர் முன்னோர் முதுசமாய்த் தந்தனர் செழிப்பின்

சிந்தையர் சிந்தினர் செல்வமாய்ச் செந்தமிழ்ப் பனுவல்கள்

விந்தையோ வியப்போ எனுமாறு இரவியாய்த் தந்தவர்

தந்தையார் தமிழ்வாணர் எழுத்தார் பந்தியில் முந்துமாறே.

மெல்போண் செயராம சர்மாவுக்குப் பதில் 01.01.2017
இரண்டாயிரத்துப் பதினேழே

இன்முகத்துடனே அழைத்துநின்று

திரண்டாயிரமாய்த் திசைமாறிக்

கிறித்தவராய் மாறுகிறார்

வரண்டாரவர் வன்னியெங்கும்

வாழ்வாதாரமின்றி அவருக்கா

இரண்டாயிரத்துப் பதினேழை

இன்முகத்துடன் அழைத்தீர்கள்?

காலாதிகாலமாய் கணித்தவை

கவின்மேலான கணக்கெல்லாம்

ஏலாதிவாங்க வந்துடைத்தார்

வந்தேறியாண்டு கிறித்தவ

மூலாதியாண்டு தந்தார்

முறித்தார் வழமையெலாம்

நாலாதிஅறிந்தவரே நல்லறிவே

நம்மாண்டு தமிழாண்டன்றோ

ஆறுதிருமுருகன் தாயாருக்கு வாழ்த்து 13.12.2016
கண்ணூறு காயாமல் கண்ணுதலான் அருளாலே
பன்னூறு பல்லாண்டு பல்லாண்டு வாழ்கவென
தொண்ணூறு கண்டாரின் தாளிணைகள் தொழுவேன்
மண்ணூறிப் பயனுறுத்தும் மக்களின் தாயல்லவோ

நரசிம்மன் மைதிலி வாழ்த்து 12.12.2016
அன்றிலாய் இணைந்த நரசிம்மன் மைதிலி காதலில்
ஒன்றினார் உவந்து ஈந்தார் சீமாவை உமாவை
குன்றிலே விளக்கு ஏற்றுநாள் பரணியின் மைதிலி
என்றுமே இன்றாக மகிழ்ச்சியில் திளைக்க வாழிவாழி

சிவசேனை கசக்குமா? 02.12.2016

விற்பது உப்பானால் விழுவது மழையாமோ?

விற்பது உமியானால் வீசுவது புயலாமோ?

கற்பது தேவாரமானால் உடைவது சிவன்கோயிலோ?

கற்பனைச் சிறகானார் கனவுகளில் சிவசேனையோ?

பேரா. இரா. செல்வகுமாருக்கு வாழ்த்து 29.10.2016
அச்ச மின்றிக் கருத்து உரைக்கும் அறிவியல் ஆசான்
மிச்ச மின்றி ஆய்ந்து மிகாது உரைக்கும் வலவன்
சொச்ச மேதும் விட்டு வைக்கார் சோர்விலர் என்பதால்
உச்ச நிலை எழுத்துக்கு விருதாளர் ஆனார் வாழிவாழி

சந்தோசம் அண்ணாச்சிக்கு வாழ்த்து 25.10.2016
தக்காருக்குத் தக்க விருது தந்தனர்
தமிழ்ப் பல்கலைக் கழகத்தார்
மிக்காரெவர் உளரிவ் விருதுக்கு
அண்ணாச்சி சந்தோசம் போன்று
எக்காலமும் தமிழை எடுத்துச்
செல்லும் ஏந்தலே நின்பெற்றி
முக்காலமும் போற்றி முன்னிற்க

வாழ்த்துதும் பல்லாண்டு பல்லாண்டு.

சிவசேனை ஏன்? 16.10.2016
கிறித்தவர்களும் முசுலீம்களும் புத்தர்களும் இந்துக்களை
மறித்தவராய் மதமாற்றம் செய்யராயின் - தெறித்துவிடும்
சிவசேனை சிதறிவிடும் சிறீலங்காவில் அதுவரையே
தவசேனை அதுவன்றோ காண்.

திருமதி குப்புசாமி சுந்தரேசனார்க்கு வாழ்த்து 17.08.2016
அசையாத சொத்தெல்லாம் அயலவர் அபகரிக்க
திசையெங்கும் சென்றவற்றை மீட்கும் = விசையனைப்
பெற்றீர்கள் பேறென்ன வேறெமக்குத் தந்தீர்கள்
கற்றவரைக் கைக்கொண்ட தாய்.

திருநங்கை நர்த்தகியாருக்கு வாழ்த்து 16.10.2016
ஆன்றவிந் தடங்கிய கொள்கைக் கொடுமுடிச்
சான்றோர் வழங்கினர் சால்புக்காய் - சான்றிதழ்
பெற்றதால் பேறுற்றது மணியம்மை பல்கலையே
கற்றவரின் கொற்றவை நர்த்தகீ.

அனைவர் உள்ளமும் தஞ்சையில் மணியம்மை
நினைவுப் பல்கலைக் கழகநிகழ்வில் மதிப்புமுது
முனைவர் பட்டமகள் திருநங்கை திருநடனப்

புனைவுகள் பொலிவில் நர்த்தகியார் வாழிவாழி.

சாவகச்சேரி அருந்தவபாலனுக்கு வாழ்த்து 17.08.2016

பெருந்தவம் செய்தார் எனினும்

பேற்றினை அடைவாரில்லை

பருந்துகள் பறப்பதாலே குஞ்சுக்

கோழிகள் அழிவதில்லை

இருந்தவர் இறப்பதாலே இனங்களும்

அழிந்தே போமோ?

இனப்படு கொலைகள் தாண்டி

இன்றுநாம் இருக்க

அருந்தவம் செய்தோம் அழிவிலும்

ஆக்கம் காண்போம்

அருந்தவப் பாலனாரின் அருந்தவம்

அதற்கே அன்றோ

மருந்தென வந்தார் தென்மராய்ச்

செறிந்த மக்களுள்

மாமனிதர் மனிதநேயர் பல்லாண்டு

பல்லாண்டு வாழிவாழி.

மெல்போர்ண் செயராம சர்மா கவிதைக்கு வாழ்த்து 11.08.2016

சொந்தம் பந்தம் அனைத்தும்

வந்தோம் நல்லூரா முருகா

கந்தையா கந்தனே நீதந்ததிரு

அருளாலே பறந்து வந்தோமே

தந்தாய் அருட்காட்சி முந்தைநாள்

முதலாய் எந்தையுநீ என்தாய்நீ

மந்தனம் மகிழ்ச்சி மாக்கருணை

யென்றாரே செயராமர் சிந்தையிலே.

சாவகச்சேரி, கீதாஞ்சலி மகேந்திரனுக்கு வாழ்த்து (04.08.2016)

கொஞ்சலை மழலையில் முகர்ந்து மகிழந்தவர் தமிழில்

கெஞ்சலைப் பேதையில் கேட்டுக் குளிந்தவர் அமிழ்தம்

நெஞ்சினில் வார்க்கும் பெதும்பையாய்க் கண்டனர் தம்கீதையின்

அஞ்சலை தமிழ்த்தின வெற்றியால் மகேந்திரன் இணையர். 

மெல்போண் செயராம சர்மா கவிதைக்கு வாழ்த்து 30.07.2016

எங்கெங்கெல்லாம் நடலாம் என்பதைக் காட்டி

எதையெதையெல்லாம் நடலாம் என்பதைக் கூட்டித்

தங்குதடையற்ற தமிழ்ச்சொரிவை நடுவத்தில் சூட்டித்

தந்ததிலெல்லாம் காலத்தைக் கடக்குமறிவை ஊட்டி.

பசுந்தமிழால் பாமலைகொண்டு வாழ்த்திய

பாங்கினுக்கு பணிவான நன்றிகள் !

ஐயன் வள்ளுவரை அரவணைத்து

அமைதி நிலையினை உருவாக்கும்

உள்ளமுயர்ந்த உங்கள் பணி

ஓங்கி வளர வாழ்த்துகின்றேன் !

நல்ல பண்பினை உருவாக்க

நாளும் வள்ளுவம் உதவுவதால்

நாட வைப்பதை வாழ்த்துகின்றேன் !

உங்கள் திருப்பணிகள் சிறக்கட்டும் !

திக்கெல்லாம் தமிழ் முழக்கம் ஒலிக்கட்டும் !

அன்புடன்

ஜெயராமசர்மா.

இந்தியன் எக்ஸ்பிரஸ் பாலச்சந்தினாருக்கு வாழ்த்து 26.7.2016
அன்றில் பறவையின் அன்புச் சொரியலாய்
தென்றல் தருகின்ற தெம்மாங்குப் பாட்டாய்
இன்றும் கண்டனன் இனிமை முகத்துடன்
என்றும் காண்கிறேன் பாலச் சந்திரனாரை.
http://www.newindianexpress.com/world/V.G.Santhosam-gifts-16-thiruvalluvar-statues-to-Sri-Lanka/2016/07/25/article3546745.ece

கோபிக்கு வாழ்த்து 26.7.2016
இளமையின் ஊஞ்சல் இனிமையின் ஏந்தல் மறவை
வளமையின் வாளிப்பு வாஞ்சையின் பூரிப்பு குன்றாச்
செழுமையின் சேரிடம் செல்லமான வளர்ப்புத் தந்த
குளிர்மையின் கோபியாரே கண்ணனோ நீவீர் இன்று?

சிவகாமிக்கு வாழ்த்து 20.07.2016

Appa,

a good news for you....

I passed my corporate governance exam with distinction

The results came today (20^th July 2016)

அஞ்சல் கல்வித் தேர்வில்

மிஞ்சும் புள்ளிகள் பெற்றதைக்

கேட்டதும் சிவகாமி வாழ்கென

நெஞ்சம் மகிழ்வில் குளிர்ந்து

கண்ணீர் இமைக்குள் கலுழ்ந்து

கொஞ்சம் பறக்க முயன்று

சிட்னி நகரை அடையக்

கெஞ்சும் நெஞ்சன் ஆனேன்

முல்லை அமுதனுக்கு வாழ்த்து 04.07.2016

ஆற்றும் பணிகளுள் அரும் பணி அறிவுப் பணி
ஏற்றம் தரும் பணி எங்கள் முல்லை அமுதனாரின்
காற்று வெளிப் பணி கடல் கடந்து சென்றும்
ஊற்றில் தமிழ் அமிழ்து முல்லை அமுதன் வாழ்க.

அண்ணா கண்ணன் மகள் நித்திலா 28.06.2016
காக்கும் அன்னையின் கைவிரல் தடவிக்
கன்னம் வருடிக் கருமயிர் கோதி
வாக்கில் வனப்பாய்ப் பள்ளி எழுச்சி
பாடியே எழுப்ப வார்ப்புக் கவிஞரோ
தூக்கம் என்னைத் தூங்கச் சொல்கிறதே
எனவே ஐக்கூ பாடினார் கவிதை
ஆக்கும் காலை அழகின் கவின்மலர்
அன்புறை ஏமாஈந்த கண்ணனின் நித்திலா.

கந்தவனம் வாழ்க 28.06.2016
எந்த வனம் சென்றாலும்

சொந்த வனமாகிச் சொக்கும்

கவி வனமாகும் எங்கள்

நந்த வனமே கந்தவனம்

நொந்த தமிழர் கண்டு

சிந்தை உடைந்த மனம்

பந்தம் எழுகவெனப் பாடும்

இந்த மனம் வாழ்கஎனத்

தந்த பாராட்டுத் தகுதியர்

கந்த வனம் வாழ்கவாழ்க.

இயற்கை இயல்புப் பாவினேன் 26.12.2014

மறவன்புலவில்

தவளைகள் தாவி வருவன.
எலிகள் வளையில் ஓடுவன.
விட்டில்கள் விளக்கை மொய்ப்பன.
பல்லிகள் விட்டிலை விழுங்குவன.
புடையன்கள் புற்களுள் மறைவன.
நுளம்புகள் தோலெங்கும் தைப்பன.
சில்வண்டின் ஊதல் துளைப்பன.
வாடையின் கூதல் குளிர்வன.
மழையின் தூறல் நனைப்பன.
தூறலில் வானவில் தெறிப்பன.
நனைந்த விறகுகள் புகைவன.
கூரையில் மேகமாய்க் குவிவன..
பயிர்கள் கம்பளம் விரிப்பன.
கதிர்கள் முற்றவே சாய்வன.
பசுமை நிலத்தை மறைப்பன.
வெள்ளம் வரப்பை உடைப்பன.
வரப்பில் கால்கள் புதைவன.
குளத்தில் தாமரை விரிவன.
நீர்க்காகத் தலைகள் பாம்பாவன.
கொக்குகள் சிறகு விரிப்பன.
காகங்கள் கரைந்து மொய்ப்பன.
சேவல்கள் கூவி அழைப்பன.
மறவன் புலவன் ஓதினேன்.
இயற்கை இயல்புப் பாவினேன்.

மச்சிக்கு வாழ்த்து 05.03.2016
காவடியை அவளெடுத்துக் காதலித்த காலங்களில்
நாவடித்தும் நச்சரித்தாள் நான்நயந்தேன் நல்லிதயப்
பூவடிகள் தொழுதேனே புகலிடமாய் அவள்வீட்டு
மாவடியில் மாலையிட்ட மச்சியெனும் மாமருந்தாள்.

மங்களம் வாழி வாழி 09.11.2015
புலர் காலை.

வாடைக் காற்றின் தண்மை.

மழைத் தூறலின் மென்மை.

வயலின் பசுமை

உழவு சால்களில் வெள்ளம்.

இவை மனத்தை மென்மையாக்கின.

குளிர் நீரானாலும் குளித்துவிடவேண்டும்.

பூப் பறித்துக் கோயிலுக்குப் புறப்படவேண்டும்.

மின்னஞ்சல் பக்கத்தை மூடமுயல்கிறேன்.

மெல்லிய கூச்சலுடன் புதிய மின்னஞ்சல்.

பார்த்துவிட்டுப் போகலாம் எனப் படித்தேன்.

மங்களத்தின் மின்னஞ்சல்.

நெஞ்சம் வாடைக் குளிரை உள்வாங்கியது.

கண்கள் மகிழ்நீரை மழைத் தூறலாகச் சிந்தின.

நினைவுகள் பசுமையாகப் படர்ந்தன.

மங்களத்தின் வரிகள் சால்களாயின.

உற்சாகம் தோட்டத்தின் பூக்களாகியது.

செய்தியோ இறைவனின் சந்நிதானமாயது.

ஒருபக்கம் இலட்சுமண ஐயர்.

மறுபக்கம் பாலம் அம்மையார்.

இவர்கள் இருவரின் ஊடாக விரியும் மரபுத் தொடர்கள்.

ஒருபக்கம் மாவிட்டபுரத்தில் வடக்கு ஐயர் வீடு.

மற்றப் பக்கம் வேலூரில் புலமைப் பராம்பரீயம்.

மங்களத்தின் மின்னஞ்சல் ஊடாக இவை கண்டேன்.

இந்திய தத்துவ ஞானம் கண்டவர் தந்தை.

சைவ சித்தாந்தப் பேராசிரியர் மாமன்.

சித்தாந்த வேதாந்த தத்துவப் பின்னலாகத் தாயார்.

அமரிக்கையாக உப்பேரி நகரம் சென்றார்.

உலக நன்னெறியாளர் சங்கமம்.

10,000 அருளாளருக்குச் சொன்னார்.

மூலர் மொழியாதனவா?

திருவள்ளுவர் தராதனவா?

கம்பனின் கொடுப்பனவுகளா?

வேறு யார் சொல்லமுடியும்?

சுவையாகச் சுருக்கமாகச் சொல்லமுடியும்?

மங்களம் சொன்னார்.

மரபணுக்கள் சொல்லின,

மங்களமாகிச் சொல்லின.

மனிதமே கேட்டது.

வாழ்த்துகிறேன், வணங்குகிறேன்.

மங்களத்தை முதலில்,

மரபணுக்களைத் திரட்டித் தொகுத்த முன்னோரைப் பின்னர்.

சசிரேகா வாழி 20.01.2016

பொதிகை தருவது தென்றல்

புகழ் தருவது உவகை
இமயத்தின் உச்சியில் பனி
இதயத்தின் உள்ளே உணர்வு
காவிரி அடைவது கல்லணை
கானம் தருவது மயக்கம்
புசிக்கப் பசிப்பது உணவு
சசிரேகா தருவது தமிழே

பாரிசு நகரில் பொங்கல் 14.01.2013
தங்குமே தமிழர் அடையாளம் தறிவிட்டு ஓடினாலும்
எங்குமே எவருமே எக்காலம் ஆயினுமே அடக்கொணாச்
சிங்கமே உறைபனி மூடுநாளில் உழைவின்றி உவந்துநீ
பொங்கவே பரவசம் கொண்டேன் புதினப் பலகையேவாழி.

ஓவ்யர் சல்வடோர் தாலி 14.01.2013
காரிகைக் காளையர்க் கனவுகள் கனவல்ல காளையரே கன்னியரே
பேரிகை முழங்கப் புகழாரக் கனவுகள் கனவுகளாம் சொல்கிறார்
தூரிகைச் சின்னராசர் தொங்கும் வானவில்லே சேலையாகுக ஓவியர்
தூரிகைத் தாலியாரின் துல்லிய அறிவுரை கேட்பீராயின் கிளர்வீரே.

கூகுள் கூட்டல்+ 14.01.2013
பூவுள் புகுந்தேன் புதுத்தேன் உறிஞ்சி என்,
நாவுள் நனைக்க நறுஞ்சுவை நனிநிறைப் பூங்,
காவுள் கலந்தேனாய்க் காலக் கண்ணாடி இக்,
கூகுள் கூட்டலுள் கூடுவேன் குலவுவேன் நான்.

நீர்வேலி ஐயர் மீது... 22-03-2013
தேரோடும் தெருவெல்லாம் தெம்மாங்கு பாட
தெள்ளுதமிழ் எழுத்தெல்லாம் தியாகராசர் ஆகப்
பேரோடும் புகழோடும் வாழ்கின்ற மயூர
பெற்றெடுத்த பெருமையோ பேறாய்நுமைக் கூட
நீர்வேலி நிமிர்கின்ற இணையரே நும்மை
நீடுழிவாழ்க எனவாழ்த்தி வாழ்த்துவனே என்றும்
சீர்மேவு செம்பீமரத விழாக்காண வரவோ
செம்மையுறை சிரிப்புறையும செம்பவள நெஞ்சீர்.

மறவன்புலவு துசியந்தன் மீது... 22-03-2013
எந்தையர் முந்தையர் வாழ்ந்த மண்ணின்
ஏற்றமிகு மைந்தன் துசியந்தன்
சிந்தையில் செயலில் செம்மாந்த செல்வன்
சண்டிப்பாய்ப் பள்ளியிலே நல்லாசிரியன்
தந்ததொரு செய்தியால் தகுதிபெறு பட்டம்
பெற்றதால் படங்கள் பார்த்ததால்
மந்தனம் கொண்டேன் மகிழ்ந்தேன் மறவன்புலவுக்கு
வந்தபுகழ் இதுவன்றோ இதுவன்றோ.

சிட்னி முருகன் விழா 13-07-2013
சொல்லெடுத்துச் சுவைபெருக்கும் பூமழையாய்ச் சொரிகின்ரார் கருத்துமழை
பல்லடுக்காய்ப் பளபளக்கும் மாளிகைசூழ்ப் பெருநகராம் சிட்னியில்
கல்லுடுத்திக் கந்தனுக்கு வைகாசிக் குன்றம்மீதில் கோயிலாக்கி
இல்லெடுத்த அடியவர்கள் திருமுன்னே பெருமகனார் ஆறுதிருமுருகன்.

எப்பிறப்பில் ஏழிசையார் எழிற்காட்சி எம்பெருமான் காட்டுவாரோ
இப்பிறப்பில் இன்னருளால் இதைக்காட்டி இசைபெருக்கி இருந்தவாறோ
சப்பறத்தில் திருக்காட்சி சிவனடியார் திருக்கூட்டம் பெருகுமாதோ
குப்புறவே படுத்திருப்பீர் எழுந்துபாரீர் கனவுக்காட்சி இதுவன்றோ.

பத்மா இராகவன் வாழி 11-01-2014
பெற்றதோ வெற்றிப் பட்டம், பேறிது பத்மாவுக்கு
கற்றதோ கடலாய் வடமாழி தமிழ்சார் கலைகள்
விற்றதோ நாவல் இரண்டு வேங்கையாம் மகனும்
உற்றதாய் உண்டு கலைநிலை உலகின் வாழ்த்துகளே.

ஈழத்துச் சிவானந்தன் வாழி 11-01-2014
கொட்டும் பனிக்குள் முட்டும் கவிதை வரிகள்
பொட்டும் பூவுமாய் வாயிலில் வந்தனவே மங்கலம்
சொட்டும் சுவையேற உறையும் பனியைக் கவிதையால்
தொட்டும் தொடாமல் அணைக்கும் சிவானந்தக் கவிஞரே

சீமா சீமா செனீவா போய்வா 01.04.2004

உண்பாய் உடுப்பாய் உறங்குவாய் அழைத்தால்

அன்பாய் அமுதமாய் வருவாய், அருமைமகளே

செனீவா போய்வா, தந்தைதாய் நெஞ்சம்