வாரம் ஒரு சிந்தனை 28
மறவன்புலவு க. சச்சிதானந்தன்
உயிருக்கு வரைவு மணிமேகலையில்.
அணு எனில் நுண்துகள். 2000 ஆண்டுக்கு முந்தைய சங்க இலக்கிய நூல்கள் கூறும்.
அணுவே உயிரின் மூலம் என்பார் சாத்தனார். நால்வகை அணுக்கள் உள்ளன. அவை எவ்வகை கூடுகின்றன எவ்வகை பிரிகின்றன. அவ்வகை உயிர் என்கிறார் சாத்தனார்.
மணிமேகலைக் காப்பியத்தின் 27ஆவது சமய கணக்கர் திறம் கேட்ட காதை 114, 115, 116 வரிகளில்.
.... உரம்தரும் உயிரோடு ஒருநால் வகைஅணு
அவ்வணு உற்றும் கண்டும் உணர்ந்திடப்
பெய்வகை கூடிப் பிரிவதும் செய்யும் ....
1) உயிருக்கு ஆற்றல் கொடுக்கும் அணு உயிர்மம். உயிரி, உயிர்வளி ஆக்ஸிஜன் (O) என்பர் இக்காலத்தில்.
2) கரிமம். கரியிலிருந்து வருவதால் கரியம். ஆங்கிலத்தில் கார்பன் (C)
3) உயிர்மம் இருந்தால் தானாக எரியும் அணு. தமிழில் எரியம். இக்காலத்தில் பஸ்பரஸ் (P)
4) ஊட்டம் அன்றி உரத்தை உயிருக்குக் கொடுக்கும் தழையம். ஆங்கிலத்தில் நைட்ரஜன் (N)
O, C, P, N ஆகிய நான்கும் தாறுமாறாகச் சேர்ந்தும் பிரியும் நிலையைச் சாத்தனார் மணிமேகலையில் கூறுகிறார்.
அணுக்கள் தனித்தனியே இருந்தால் தனிமம், atom. உயிர்மம் தனியாக அன்றி இரு தனிம உயிர்மங்கள் (O) சேர்ந்தால் சேர்மம் molecule, (O2), உயிர்க் காற்று, உயிர்வளி.
உயிர்மம் (O) கரியம் (C) எரியம் (P) தழையம் (N) ஆகிய நான்கு அணுக்களும் இணைந்தால் மூலம் compound. உயிரின் மூலமான மரபணு. சொன்னவர் மணிமேகலையில் சாத்தனார்.
ஒரே ஒழுங்கில் சேரா. பெய்வகை கூடிப் பிரிவதும் சேர்வதும் (27:116) என்றார் சாத்தனார். தாறுமாறாகச் சேரும் பிரியும்.
எரியம் (P) அணு ஒன்று. உயிர்ம (O) அணுக்கள் நான்குடன் இணைகின்றன. ஆக இவை ஐந்து.
இந்த ஐந்துடன் கரியம் (C) அணுக்கள் 5 இணைகின்றன. ஆக இவை பத்து அணுக்கள்.
இந்தப் பத்துடன் தழைய (N) அணுக்கள் எவ்வாறு சேர்கின்றனவோ? எத்தனை சேர்கின்றனவோ? அந்தச் சேர்க்கையை ஒட்டி நான்கு வகைப் புரதங்கள்.
இரட்டை வளையங்களாகச் சேர்வது இரண்டு Purines. ஒருவகை. Adenine (A) Guanine (G).
கூம்பாகச் சேர்வது மற்ற இரண்டு Pyrimidines என இரண்டாவது வகை. Cytosine (C) Thymine (T)
ஆக நான்கு வகைப் புரதங்கள். Adenine (A)
Guanine (G). Cytosine (C) Thymine (T). இந்த நான்கு வகை புரதங்களின் தாறுமாறான சேர்க்கையே மரபணு.
மரபணு உயிரா? இல்லை என்கிறார் சாத்தனார். நிலம் நீர் தீ காற்று ஆகிய நான்கும் மரபணுக்களைத் தாங்கும் உடலாகின்றன. நிலத்திலும் நீரிலும் தீயிலும் காற்றிலும் உள்ள அணுக்கள், பல்வேறு வகை வகையான அணுக்கள் சேர்ந்ததே உடல்.
அவ்வாறு அமைந்த மரபணுக்களும் சார்ந்த உடலுமே உயிராகின்றன. அந்த உயிர்கள் கோடானு கோடி வகை ஆயின என்கிறார் சாத்தனார்.
ஓர் உயிரிலிருந்து மரங்களாக ஒரு பக்கமும் விலங்குகளாக மறு பக்கமும் விரிந்து விரிந்து கூர்ந்து கூர்ந்து வகை வகையாகின்றன என்கிறார் சாத்தனார்.
மணிமேகலை காப்பியத்தில் 27ஆவது சமயக் கணக்கர் திறம் கேட்ட காதையில், 117 118 119 120 ஆகிய நான்கு வரிகளில் இச்செய்தி கூறுகிறார்
....நிலம்நீர் தீகாற்று எனநால் வகையின
மலைமரம் உடம்புஎனத் திரள்வதும் செய்யும்
வெவ்வேறு ஆகி விரிவதும் செய்யும்
அவ்வகை அறிவது உயிரெனப் படுமே.....